loader


28 ИЮЛЬ БУТУНЖАҲОН ГЕПАТИТГА ҚАРШИ КУРАШИШ КУНИ


 Ҳар йили 28 июль куни ЖССТ томонидан Бутунжахон гепатитга қарши курашиш куни нишонланади ва ҳар йили барча тадбирлар мақсадли шиорлар остида ўтказилади. ЖССТ 2019 йилда 2 та шиор билан чиқди:

 СИЁСАТЧИЛАР УЧУН

Гепатитни олдини олиш учун маблағларни инвистициялаштиринг

-Гепатитга қарши курашни қўллаб қувватлаш учун миллий ва минтақавий даражадаги сиёсатчиларни сиёсий ва молиявий ҳолатларни кучайтиришга чақириш.

-2030 йилгача барқарор тараққиёт Мақсадлари (БТМ) ва Соғлиқни Сақлаш Хизматларининг Умумий Қамрови (ССХУҚ)га ЖССТ томонидан тайёрланган гепатитни бартараф этиш учун керакли харажатларни янгича баҳоланишинига эътиборни жалб этиш.

-Гепатитни олдини олиш, текширтириш ва даволаш хизматларидан кенгроқ фойдаланишни  аҳолига тарғиб этиш.

 КЕНГ ЖАМОАТЧИЛИК УЧУН:

Билиш. Олдини олиш. Текширтириш. Даволаш. Бартараф этиш.


 Барча тадбирлар ана шу шиорлар остида ўтказилади.

Дарҳақиқат вирусли гепатитлар соғлиқни сақлашдаги жиддий муаммолардан саналади. Чунки дунё бўйича 325 миллион киши гепатит билан касалланган бўлиб, улардан 80% текширтириш ва даволаниш имкониятига эга эмас.

Гепатит вирус келтириб чиқарадиган касаллик бўлиб, нафақат жигарни зарарлайди, балки бутун организмга зарба беради. Вирусли инфекциялар жуда тез тарқалади ва эпидемиологик ҳолатни юзага келтириши мумкин.

Касалликка қарши самарали профилактика чоралари гигиена қоидаларига риоя этиш ва эмлаш ҳисобланади.

Ҳар йили 28 июль куни ЖССТ томонидан турли тадбирларни ўтказишдан асосий мақсад гепатит касаллиги, унинг турлари, юқиш йўллари, гигиенага риоя этиш муҳим эканлиги ва касалликни олдини олишда энг самарали восита эмлаш эканлигини кенг оммага тарғиб қилишдир.

Келинг бугундан барчамиз шу шиор остида бирлашамиз:

Билиш. Олдини олиш. Текширтириш. Даволаш. Бартараф этиш.

 РЕСПУБЛИКА ДСЭНМ МАТБУОТ ХИЗМАТИ